IK nutaamik siuluttaasoqarfeqalerpoq Lene Knüppel Djøf (Dansk Jurist- og Økonomforbund)-imeersoq siulersunngortinneqarpoq arnaq alla tassani inissisisimasoq, Aviaja Sinkbæk, nutaamik atorfinimmat. Line Riis Christiansen DM (Dansk Magisterforening)-imeersoq siulittaasup tullerilerpaa.
Siulersuisut siulittaasoqarfittaarlu ilinniagartuut soqutigisaat anguniarlugit suliatik ingerlatiinnassavaat. Pingaarnertut suliassaat ilaatigut isumaqatiginniarnerit ingerlasut naammassiniarnissaannik nittartakkallu nutarsarlugu saqqummiunnissaannik imaqarput.
Siulittaasoqarfinngortup IK-p ilinniagartuut inissisimanerisa pitsaanerulernissaannut suliat ingerlateqqinnissaannut piukkoorput siulittaasoqarfiusimasullu tunngaviligaat aallaavigalugit ineriartornerup ingerlatiinnarnissaannut qilanaarlutik.
IK ukiumoortumik sulisut sinniisaannik novembarip qaammataani PPK peqatigalugit pikkortissartitsissapput, siulittaasoqarfimmiillu nuna tamakkerlugu sulisut sinniisaannik tikilluaqqusinissaminnut qilanaarput.
