Sulisut sinniisaat

IK/ASG-mut isumaqatigiissusiat isumaqatigiissutillu atuuttut

Sulisut sinniisaat suleqatit, sulisitsisup aaamma IK/ASG-mi atassutaavoq.
Sulisut sinniisaattut suleqatit aamma sulisitsisut akornanni isumaqatigiissusiaq ileqquliutillu malinneqarnersut nakkutiginissaat pisussaaffigisat – taakkua ataanni isumaqatigiissusiamut unioqqutitsisoqannginnissaanut, ilaatigut suliumajunnaarnermik, akiuimeq.
Sulisitsisunnut sumiiffinnut tunngasunut, ass. suliaqarfinni flexersinnaanermut isumaqatigiissutit assigisaallu pillugit isumaqatiginninniarsinnaatitaavutit.
Suliffinni aqutsinermut, allanik suliaqarfillit suleqatit suleqatillu allat tapersersortinniarlutik saaffiginnittut soqutigisaannut tunngasut isumagissavatit.
Isumaqatigiissusianut isumaqatiginninniarnernullu piareersarnermut tunngatillugu suleqativit piumasaasa katersornissaat taakkulu IK/ASG-mut ingerlateqqinnissaannut pingaarutilimmik inissisimasuuvutit.
Siulisut sinniisaattut pisut allajengersimasut eqqumaffissarisassatit tassaapput:

• Akissarsiat, tapisiat, sulinerunermut akissarsiat il.il.
• Atorfinnut sinniisuunernullu isumaqatigiissutit eqqortuunissaat
• Suliffiup sivisussusiata, qasuerserfiup, ulloq unnuarlu sulinngiffeqarnerup, flexernermi aaqqiinerit, sulinngiffeqarnissamut pilersaarutit eqqortuunissaat
• Sulisunut politikki: Atorfinitsitsinerit, soraarsitsinerit, nuutsitsinerit, atorfiit ilusinitsinneri, ilinniaqqinnerit, piginnaanertusarnerit, paarlaatsitsinerit, atorfimmi qullartitaanerit, atugarissaarnermut aaqqissuinerit
• Sulinermi atugassarititat nalinginnaasut, isumannanngissuseq, peqqissuseq aamma ineriartorneq

Nalornissuteqaruit Kalaallit Nunaanni Sulisut sinniisaannut paasiniaavissat uku qupperarneqarsinnaapput.