Sulisut sinniisaannut pikkorissarnerit
Sulisut sunniisaannut pikkorissarneq
ASG ukiut tamaasa Nuummi sulisut sinniisaannut pikkorissartitsisarpoq.
Pikkorissarneq sulisut sinniisaannut/sinniisunut nutaanut misilittagalinnullu immikkoortinneqakkajuppoq, peqataasunulli tamanut aamma ataatsimoortumik aaqqissuunneqartarluni.
Sulisut sinniisaattut ulluinnarni sulinermit pisimasunik assersuutit , isumaqatiginninniarnermi periutsit, sulianut tunngasunik suliniarneq pillugu saqqummiinerit, sulisut sinniisaasa inissisimaneri suliassaallu, inatsisinut naleqquttunut saqqummiinerit il.il. sammineqartarput Pikkorissarneq oqallinnissamut piukkunnarpoq, ingerlatsisullu isumaqarput peqataasut amerlasuut pikkorissarnerminni naleqquttunik ilisimasanik misilittakkanillu nassarlutik naammassisartut.
