ASG-p siunertaa

Aaqqissuussaanerup siunertaa

Ilinniagartuut Kattuffiata / Akademikernes Sammenslutning i Grønlandip (IK/ASG-p) siunertaraa ilaasortami aningaasaqarnikkut, inooqataanikkut, kulturikkut, ilisimatusarnikkut ilinniarnikkullu aammalu allatigut ilinniagartuut atugarisaannut ataatsimoorlutik soqutigisaasa isumaginissaat. Ilinniagartuut naleqquttunik atugaqarlutik suliaqarnerisa inuiaqatigiinnut sunniutaat aamma ersarissitikkusuppagut.

Qanoq ililluni ilaasortanngortoqartarpa?

IK/ASG tassaavoq aaqqissuussat danskit assigiinngitsut kattuffiat. Tamanna isumaqarpoq IK/ASG-mut ilaasortaasut tassaasut aaqqissuussat, taamaalillutik inuinnaat IK/ASG-mut ilaasortaasinnaanngitsut.

Ilinniagartuut danskiusut ilaannut ilaasortaaguit Kalaallillu Nunaanni najugaqarlutillu suliguit IK/ASG-mi ilaasortaariissaatit.

IK/ASG sulerisuua?

Isumaqatiginninniarnerit

IK/ASG tjemestemandit Namminersorlutik Oqartussani kommuniniluunniit atorfillit isumaqatigiissutaasa allanngortinniarneqarneranni IK/ASG-mut aaqqissuussani ilaasortat pineqartillugit isumaqatiginninniartartuupput. Pingaarnertut aaqqissuussaasup Akademikerne (AC)-p maannamut IK/ASG isumaqatiginninniarnermi ikiortarpaa.

Isumalioqatiginninniarnermi aaqqissuussat ilaasortaasut ataasiakkaat isumaqatigiinniarsinnaatitaapput. IK/ASG-lerinermi isumaqatiissutit marluk atuupput: ”DJØF-overenskomsten” inatsisilerinermi kadidatinut aamma ilisimatusarfinni økonominut assigisaannullu atuuttoq kiisalu ”AC-overenskomsten” ingeniørinut, illussanik titartaasartunut, magisterinut tarnillu pissusaannut ilisimasalinnut atuuttoq.

Namminersorlutilli Oqartussat isumaqatiginnniarnermi immikkoortortaqarfiata aaqqissuussat ilaasortaasut tamaasa isumaqatiginninniarsinnaatitaasutut akuerinngilai. Assersuutigalugu uku pineqarput: Den Danske Landinspektørforening, Dansk Farmaceutforening allallu Landinspektørit nakorsaasiortullu taamaammat DSA-p isumaqatigiissutaani civilingeniørit aalajangersagaat naapertorlugu atorfinikkajupput.

Ilaasortanut aaqqissuussat

IK/ASG ilaasortaminut pikkorissaanerit, “soraareernermi ataatsimiinnerit” assigisaallu aaqqissortarpaat.

IK/ASG-mi siulersuisut aamma siunnersuutinik tusarnissartik ammaffigiuarpaat. Aqqissuussatut ilaasortanit taakkulu ilaasortaannit aaqqissuussassanut isumassarsiaqartoqarpat tusarusussinnaavagut.